ग्रुप ग्रामपंचायत बापुगाव फणसवाडी
- महाराष्ट्र राज्यातील पालघर जिल्ह्यातील डहाणू तालुक्यात डहाणू-जव्हार मार्गावर वसलेली ग्रुप ग्रामपंचायत बापूगाव-फणसवाडी ही एक निसर्गरम्य आणि आदिवासी बहुल ग्रामपंचायत आहे. सन २०११ च्या जनगणनेनुसार या दोन्ही गावांची एकूण लोकसंख्या सुमारे २,८१२ इतकी असून, यात बापूगावची १,७८० तर फणसवाडीची १,०३२ इतकी लोकसंख्या समाविष्ट आहे. गावातील बहुतांश ग्रामस्थांचा मुख्य व्यवसाय शेती असून पावसाळ्यात भात आणि नागली (नाचणी) ही मुख्य पिके घेतली जातात; याशिवाय दुग्धव्यवसाय, शेळी-कुक्कुटपालन आणि स्थानिक मजुरीद्वारे लोक आपला उदरनिर्वाह चालवतात. प्रामुख्याने वारली व कातकरी समाजाचे वास्तव्य असलेल्या या गावात वारली चित्रकला आणि पारंपरिक तारपा नृत्य ही मुख्य सांस्कृतिक वैशिष्ट्ये आहेत. तसेच गावात जिल्हा परिषद प्राथमिक शाळा, अंगणवाडी, पिण्याचे पाणी, रस्ते, वीज यांसारख्या मूलभूत सुविधा उपलब्ध असून, ३६ किमी अंतरावर असलेल्या डहाणू बस स्थानकावरून एसटी व स्थानिक वाहनांची वाहतूक सोय उपलब्ध आहे.
लोकसंख्येची माहिती (ग्रुप ग्रामपंचायत बापूगाव – फणसवाडी)
| क्रमांक | क्षेत्र | तपशील |
|---|---|---|
१ |
एकूण लोकसंख्या |
2,812 |
२ |
पुरुष लोकसंख्या |
1,412 |
३ |
महिला लोकसंख्या |
1,400 |
४ |
०–६ वर्षे वयोगटातील बालक लोकसंख्या |
442 (15.72%) |
५ |
अनुसूचित जाती (SC Population) |
6 (0.21%) |
६ |
अनुसूचित जमाती (ST Population) |
2,758 (98.08%) |
७ |
बापूगाव एकूण लोकसंख्या (कुटुंबे: २७२) |
1,780 |
८ |
फणसवाडी एकूण लोकसंख्या (कुटुंबे: २२७) |
1,032 |
उपलब्ध पायाभूत सुविधा
| क्रमांक | सुविधा प्रकार | उपलब्ध (होय/नाही) | संख्या | रस्त्याने जोडलेले (होय/नाही) |
|---|---|---|---|---|
| १ | ग्रामपंचायत कार्यालय | होय | १ | होय |
| २ | प्राथमिक आरोग्य केंद्र (PHC) | – | – | – |
| ३ | उपकेंद्र (Sub Center) | होय | 1 | |
| ४ | अंगणवाडी | होय | 5 | |
| ५ | प्राथमिक शाळा | होय | 2 | |
| ७ | उच्च माध्यमिक शाळा | – | – | |
| ८ | महाविद्यालय / व्यावसायिक केंद्र | नाही | – | |
| ९ | समुदाय भवन (Community Hall) | – | – | |
| १० | स्वस्त दर दुकान (PDS) | होय | 2 | |
| ११ | श्मशानभूमी / स्मशानभूमी | होय | 2 | |
| १२ | इंटरनेट / मोबाईल टॉवर | होय | 2 | |
| १३ | सीएससी केंद्र (CSC Center) | – | = |
प्रशासकीय संरचना
